Прокурор ва солиқчилар энди секторлар иши билан шуғулланмайди
Секторлар ишига Бош вазир ўринбосарлари ва Ўзбекистон маҳаллалари уюшмаси ҳамда унинг ҳудудий бўлинмалари масъул этиб белгиланади.
Эндиликда прокурорлар, ички ишлар ходимлари ва солиқчилар секторлар фаолияти билан шуғулланмайди.
Секторлар фаолияти янги тартиб асосида йўлга қўйилади.
"Коррупцияга қарши курашиш тизимини янада такомиллаштириш бўйича белгиланган устувор вазифалар ижросини самарали ташкил этишга доир чора-тадбирлар тўғрисида"ги (ПФ-71-сон, 22.04.2025й.) Президент фармони қабул қилинди.
Унга мувофиқ, ҳудудларни комплекс ижтимоий-иқтисодий ривожлантириш бўйича секторлар фаолияти янги тартиб асосида йўлга қўйилиши белгиланди.
Секторлар ишига Бош вазир ўринбосарлари ва Ўзбекистон маҳаллалари уюшмаси ҳамда унинг ҳудудий бўлинмалари масъул этиб белгиланади.
Вазирлар Маҳкамаси икки ой муддатда секторларнинг янги тартиб асосида фаолият юритиши бўйича Ўзбекистон президенти қарори лойиҳасини киритиши керак.
Президент 5 март куни Коррупцияга қарши курашиш бўйича миллий кенгаш йиғилишида бундан буён прокурорлар, ички ишлар ходимлари ва солиқчилар секторлар фаолияти билан шуғулланмаслигини маълум қилганди.
