Азиз Тошпўлатов волейбол федерацияси раҳбари этиб сайланди
Федерациянинг ҳудудий бўлимларига ҳам раислар сайланди.
Ички ишлар вазирлиги Академиясида Волейбол федерациясининг навбатдан ташқари конференцияси бўлиб ўтди .
Унда Ички ишлар вазири, генерал-майор Тошпўлатов Азиз Анваровичнинг номзоди Ўзбекистон волейбол федерацияси раиси лавозимига таклиф этилди.
Номзод конференция иштирокчилари томонидан бир овоздан маъқулланиб, у федерация раиси этиб сайланди.
Кун тартибига кўра Волейбол федерациясининг Андижон, Бухоро, Наманган, Қашқадарё, Сурхондарё, Сирдарё, Хоразм ва Тошкент шаҳрининг ҳудудий бўлимлари раислигига номзодларни сайлаш таклиф этилди.
Ушбу вилоятлар ИИБлари бошлиқлари ва Тошкент шаҳар ИИББ бошлиғи бир овоздан ҳудудий бўлимлар раислигига сайланди.