Хотин-қизлар тадбиркорлиги учун кредитлар фоизлари туширилди

Хотин-қизларнинг иқтисодий фаоллигини ошириш, уларни тадбиркорликка жалб қилиш ва ўз бизнес ғояларини амалга ошириш мақсадида "Микрокредитбанк" томонидан хотин-қизлар учун имтиёзли кредит маҳсулотлари таклиф этилмоқда. Эндиликда хотин-қизлар ўз бизнесини бошлаш ёки мавжуд фаолиятини кенгайтириш учун янада қулай шартларда молиявий кўмак олиши мумкин.

Хусусан:

• “Ҳамроҳ” кредити ставкаси 3% га пасайтирилиб, 20,5% этиб белгиланди.
• Аёллар раҳбарлигидаги корхоналар ва камида 3 та хотин-қизни иш билан таъминлаган тадбиркорлик субектлари учун 300 млн сўмгача бўлган кредитлар 2% га арзонлаштирилди.
• “Водий тадбиркор аёли” кредити орқали 5 нафар хотин-қиз бандлигини яратган тадбиркорлар фоиз ставкасининг 1% га камайишидан фойдаланишлари мумкин.
• “Истиқболли аёл” кредити доирасида эса 50 млн сўмгача бўлган кредитлар энди нақд шаклда ёки карта орқали ажратилади.

Бу имкониятлар, айниқса, тикувчилик, ҳунармандчилик, пазандачилик, декоратив санъат каби соҳаларда фаолият юритаётган ёки бу йўналишларда иш бошламоқчи бўлган аёллар учун катта имконият эшигини очади.

• “Ҳамроҳ” кредити ставкаси 3 фоизга;
  Батафсил
• Аёллар раҳбарлигидаги тадбиркорлик субъектлари ва камида 3 та хотин-қизни иш билан таъминлаган бизнеслар учун 300 млн сўмгача кредит ставкалари 2 фоизга;
  Батафсил
• “Водий тадбиркор аёли” кредити доирасида 5 та хотин-қизни иш билан таъминлаган тадбиркорлар учун фоиз ставкалари 1 фоизга;
  Батафсил
• “Истиқболли аёл” кредити ҳам 1 фоизга туширилди!
  Батафсил