Ортга қадам: тезлик чегараси 10 км.гача оширилиши кутиляпти
2023 йилда соатига 70 км ҳаракатланиш ўрнига 60 км/с этиб белгиланганди. Энди мантиқан яна шуни 70 км/с қилиб тенглаштиришмоқчи.
Ҳукумат радарлар қайд этган кўрсаткичдан чегириб ташланадиган 5 км/соат тезликни 10 км/соатгача ошириш ҳақидаги қонун лойиҳасини парламентга киритган.
“Қонун лойиҳаси орқали тезлик билан боғлиқ қоидабузарликлар бўйича радар ва спидометрлар кўрсаткичлари хатоларидан келиб чиқиб, қайд этилган тезликдан 10 км/соат чегириб ташланган ҳолда маъмурий жазо қўлланилиши назарда тутилмоқда”, – дейилган қонунчилик палатаси ахборотида.
Бу қонун қабул қилиниб, кучга кирса, тезлик 60 км/соат билан чекланган жойда ҳайдовчиларга 65 км/соат тезлик эмас, 70 км/соат тезликдан бошлаб жарима қўлланилади.
Эслатиб ўтиш керак, 2023 йилдан шаҳарлар ҳудудида енгил машиналарнинг максимал тезлиги 70 км/соатдан 60 км/соатга туширилганди. Бу янгиликдан кейин камера ўрнатилган жойларда ЙТҲлар сезиларли камайган.
Ҳар йили 2200 дан ортиқ одам ЙТҲ қурбони бўлади. Яна минглаб одамлар автоҳалокат туфайли майиб-мажруҳ бўлиб қолмоқда.
