Хуршид Назаров Жомбой тумани ҳокими этиб тайинланди
У Ижтимоий ҳимоя миллий агентлиги Самарқанд вилояти бошқармаси бошлиғи лавозимида ишлаган.
Хуршид Назаров Самарқанд вилояти Жомбой туманига янги ҳоким этиб тайинланди.
26 феврал куни халқ депутатлари Жомбой тумани Кенгашининг навбатдан ташқари сессияси бўлиб ўтди.
Сессия ишида вилоят ҳокимлиги вакиллари, вилоят ва туман ташкилотлари раҳбарлари ҳамда халқ депутатлари Жомбой тумани Кенгаши депутатлари қатнашди.
Сессияда ташкилий масала кўрилди. Депутатлар шу кунга қадар Президент ҳузуридаги Ижтимоий ҳимоя миллий агентлиги Самарқанд вилояти бошқармаси бошлиғи лавозимида ишлаб келган Назаров Хуршид Ариповични Жомбой тумани ҳокими лавозимига тасдиқлашди.
Аввал ушбу лавозимда Қаюм Собиров ишлаётганди.
