Акмалхўжа Мавлонов Енгил атлетика федерацияси раиси этиб сайланди
Тайинлов ҳақида Миллий олимпия қўмитаси хабар берди.
Спорт
17 февраль, 12:58
Акмалхўжа Мавлонов Ўзбекистон енгил атлетика федерацияси раиси этиб сайланди. Бу ҳақда Миллий олимпия қўмитаси хабар берди.
Акмалхўжа Мавлонов 1975 йилда туғилган, маълумоти олий, ҳуқуқшунос. 2002 йилда Тошкент давлат юридик институтини тамомлаган.
У турли йилларда Марғилон шаҳар прокурори, Сирдарё вилояти прокурори биринчи ўринбосари, Хоразм вилояти прокурори лавозимларида фаолият юритган. 2018 йил август ойида бош прокурор ўринбосари сифатида ишлаган.
2021 йилдан божхона қўмитасига раислик қилиб келмоқда.
