Ўзбекистонлик велоспортчи Таиландда олтин медални қўлга киритди
Янина Кускова велошоссе бўйича Осиё чемпионати доирасидаги пойгада ғолиб чиқди. Бу чемпионатдаги учинчи олтин медалдир.
Ўзбекистонлик велоспортчи олтин медални қўлга киритди.
Таиланднинг Пхитсанулок провинциясида ўтказилаётган велошоссе бўйича Осиё чемпионати доирасида аёллар ўртасидаги индивидуал вақт пойгаси бўлиб ўтди.
Унда Ўзбекистон шарафини миллий терма жамоа аъзоси, тажрибали Янина Кускова ҳимоя қилди.
Янина мазкур дастурда энг яхши натижани қайд этиб, олтин медалга эга чиқди.
1.Янина Кускова — 42:50.566 (Ўзбекистон)
2.Сафия Ал Саеҳ — 43:50.463 (БАА)
3.Цуяка Учино — 44:03.610 (Япония).
Бу терма жамоаларимизнинг Осиё чемпионати-2025 доирасидаги учинчи медалига айланди.
Таъкидлаш жоиз, 3 йиллик тарихда илк бор миллий терма жамоа аъзолари кетма кет 3 та олтин медалга эга чиқишди.
Ўзбекистон велоспорт терма жамоаси айни дамда медаллар жамғариш рейтингида 1- ўринни эгаллаб турибди.
