Полша бош вазири давлат тўнтаришига уринишда айбланди
Бу ҳақда мамлакат Конституциявий суди раиси Богдан Свиеcзковский гапирди.
Полша бош вазири давлат тўнтаришида айбланмоқда.
Мамлакат Конституциявий суди раиси Богдан Свиеcзковский давлат тўнтаришини уюштирганликда гумон қилинаётгани сабаб бош вазир Доналд Туск ва мамлакатнинг бошқа юқори мартабали амалдорларига нисбатан тергов бошланганини маълум қилди.
Свиеcзковскининг баёнотидан Gazeta.pl иқтибос келтирмоқда.
"31 январ куни мен бош вазир, вазирлар, Сейм ва Сенат спикерлари, ҳукмрон коалиция депутатлари ва сенаторлари, шунингдек, бир қатор судьялар, прокурорлар ва бошқа шахсларнинг давлат тўнтариши жиноятини содир этганликда гумон қилинганлиги ҳақидаги 60 саҳифали билдиришномани имзоладим", — деди раис матбуот анжумани чоғида.
Доналд Тускнинг ўзи вазиятга изоҳ бериб ўтди. У Х ижтимоий тармоғидаги саҳифасида у стол тенниси ўйнаётган видеосини жойлаштирди.
Видеода кимдир жаноб Тускга мухолифатдаги" Қонун ва адолат" партияси раҳбари Ярослав Качински уни давлат тўнтаришида айбдор деб билишини айтганини эшитиш мумкин.
"Тинчлик бўлсин. Биз буни кейинроқ ҳал қиламиз", деб кулиб жавоб берган Доналд Туск стол тенниси ўйнашда давом этаркан.
Полша президенти Анжей Дуда"биз бугунги кунда ижро ҳокимиятини амалга оширувчи турли шахслар томонидан бир қатор такрорий, қўпол қонун бузилишлари билан шуғулланмоқдамиз", деди.
