Фаррух Рустамов "Ўзкомназорат" раҳбари этиб тайинланди

Рустамов Фаррух Шорухович Рақамли технологиялар вазирлиги ҳузуридаги Ахборотлаштириш ва телекоммуникациялар соҳасида назорат инспекцияси ("Ўзкомназорат") бошлиғи лавозимига тайинланди.

Бу ҳақда Президент қарори қабул қилинган.

У 2022 йил апрелидан буён инспекцияга раҳбарлик қилиб келган Аъзам Абдуллаев ўрнини эгаллади.

Фаррух Рустамов 2024 йил январидан буён "Ўзбектелеком" АК Uzmobile мобил оператори филиали директори лавозимида ишлаб келаётганди.

Бундан ташқари, у Тошкент шаҳар телефон тармоғи Марказий телефон алоқа маркази бошлиғи, “Ўзбектелеком” АК “Тошкент шаҳар телефон тармоғи” филиали директори ва бошқалар лавозимларида ҳам ишлаган.