Ниғматилла Йўлдошев спорт курашлари ассоциациясига раҳбар этиб сайланди
Миллий Олимпия қўмитасида ассоциациясининг навбатдан ташқари ҳисобот-сайлов конференцияси бўлиб ўтган.
Ўзбекистон спорт курашлари ассоциациясига янги раҳбар сайланди.
Миллий Олимпия қўмитасида Ўзбекистон спорт курашлари ассоциациясининг навбатдан ташқари ҳисобот-сайлов конференцияси бўлиб ўтди.
Ассоциацияга янги раҳбар сайлаш кун тартибидан ўрин олган мазкур тадбирда Спорт вазири Адҳам Икрамов, Бош прокурорининг биринчи ўринбосари Баҳриддин Валиев, Отабек Умаров бошчилигидаги Миллий Олимпия қўмитаси раҳбарияти, шунингдек, Ўзбекистон спорт курашлари ассоциацияси раёсат аъзолари, терма жамоа мураббийлар штаби иштирок этди.
Ассоциация Ижроия қўмитаси ташкилот раислигига Ўзбекистон Бош прокурори, мамлакат кураш федерацияси раҳбари Йўлдошев Ниғматилла Тўлқинович номзодини илгари сурди.
Йиғилиш иштирокчилари бир овоздан Ниғматилла Тўлқинович номзодини маъқуллашди.
Якунда Ниғматилла Йўлдошев мамлакат спорт курашлари ассоциацияси раиси этиб сайланди.
