Ётоқхона муаммоси 2027 йилгача ҳал этилиши кутилмоқда

Олий таълим вазирлиги матбуот анжуманида Ўзбекистонда талабалар учун ётоқхоналар етишмаслиги бўйича саволга вазирлик томонидан жавоб берилди.

"Тўғри 2 йил аввал талабалар турар жойлари билан боғлиқ муаммолар бўлган. Бизда бу муаммонинг ечими сифатида режалар бор. Хусусан, давлат дастури (Ўзбекистонни 2030 йилгача ривожлантириш дастури) бўйича ҳам режамиз бор. Бу йил ҳам (агар адашмаётган бўлсам) давлат хусусий шерикчилиги асосида талабалар учун 27 минг ўриндан иборат турар жойлар тайёрланяпти. Бу бўйича муаммо бўлади деб ўйламайман. Кейинроқ мазкур йўналиш бўйича ҳам аниқ маълумот берамиз"— Олий таълим вазирининг биринчи ўринбосари Шоҳрух Далиев. 

Ушбу масала юзасидан вазир Қўнғиротбой Шариповнинг қўшимча қилишича,  2027 йилгача ётоқхонага бўлган эҳтиёж тўлиқ қондирилади, бу бўйича аниқ режалар бор.

Аввалроқ вазирлик расмийси стипендия ошиши бўйича саволга жавоб берганди.