ШҲТ разведка хизматлари ўтган йили 200 га яқин терактнинг олдини олди
Шунингдек, 95 та террорчилик ташкилотлари ҳалқаларининг фаолияти тўхтатишга муваффақ бўлинган.
Шанхай Ҳамкорлик Ташкилотига (ШҲТ) аъзо мамлакатлардаги разведка хизматлари 2023 йилда 181 та террорчилик актларининг олдини олган. ШҲТ Минтақавий аксилтеррор тузилмаси (МAТТ) ижроия қўмитаси директори Руслан Мирзаев ШҲТ давлатлари Олий судлар раислари йиғилишида шундай маълумотларни келтирган.
Мирзаевнинг айтишича, махсус хизматлар 214 хорижий жангарини қўлга олишган, 95 та террорчилик ташкилотлари ҳалқалари фаолиятини тўхтатишга муваффақ бўлган. Бундай ташкилотларга 1185 нафар аъзо ва ҳамкорлари аниқлаб, қўлга олган. Террорчилик ва экстремистик мақсадларда фойдаланилган 13 та молиялаштириш ва 26 та ноқонуний миграция каналлари аниқланган.
МАТТ маълумотларига кўра, 2023 йилда ШҲТга аъзо мамлакатларда 14 та қурол-яроғ ва ўқ-дорилар ноқонуний савдосининг каналлари аниқланган, 1589 та ўқотар қурол, 777 та портловчи мослама, 188 килограмм портловчи модда ва 660 тоннадан ортиқ наркотик моддалар мусодара қилинган.
Эслатиб ўтамиз, ШҲТ 2001 йил 15 июнда тузилган бўлиб, 9 давлат -Хитой, Россия, Ўзбекистон, Қозоғистон, Қирғизистон, Тожикистон, Покистон, Ҳиндистон ва Эрон унинг аъзоси ҳисобланади. Афғонистон, Беларус ва Монголия давлатлари эса эса кузатувчи мақомида саналади.
