Сурия президентининг хотинига оққон ташхиси қўйилди
Асма Асадда 2019 йилда кўкрак бези саратони ҳам аниқланганди.
Жаҳон
21 май, 14:30
Сурия президенти Башар Aсаднинг хотини Асма Асадга ўткир мийелоид лейкемия, яъни оққон ташхиси қўйилди. Бу ҳақда Сурия президенти девонхонаси хабар қилган.
“Бир нечта аломатлар сабабли ўтказилган кенг қамровли тиббий текширув ва тестлардан сўнг Суриянинг биринчи хонимида мазкур хасталик аниқланган.
Президент рафиқаси Асма Асадда 2019 йилда кўкрак бези саратони аниқланган ва тўла даволашга муваффақ бўлишган эди.
Асма Асад 1975 йилда Буюк Британияда туғилган. 2000 йилда, ўша пайтдаги янги президент Башар Aсадга турмушга чиқишдан олдин инвестиция банкири бўлган. Сурия можароларидаги роли учун Асма Асадга қарши Ғарб санкциялари эълон қилинган.
