Бухоронинг собиқ прокурори янги лавозимга тайинланди
У Тошкент давлат юридик институтини тамомлаган, адлия вазири ўринбосари вазифасида ҳам ишлаган.
Маҳмуджон Шуҳратович Истамов Ўзбекистон Республикаси Олий Мажлис Қонунчилик палатаси девони раҳбари лавозимига тайинланди.
Тайинловга қадар Маҳмуджон Истамов Бухоро вилояти прокурори лавозимида ишлаган.
Маҳмуд Истамов 1979 йилда туғилган, маълумоти олий — Тошкент давлат юридик институтини тамомлаган, мутахассислиги — ҳуқуқшунос.
У 2014−2019 йилларда Президент администрациясидаги Олий Мажлис, сиёсий ва жамоат ташкилотлари билан ҳамкорлик қилиш хизмати Сиёсий партиялар билан ҳамкорлик қилиш шўъбаси мудири, Сиёсий-ҳуқуқий масалалар хизмати Суд-ҳуқуқ соҳасидаги қонунчилик шўъбаси мудири лавозимида фаолият юритган. Aдлия вазирининг ўринбосари ҳамда биринчи ўринбосари лавозимларида ҳам ишлаган.
