“Сен кучлисан”: эзгу ғоя парвози давом этади

Бугун “Сен кучлисан” ижтимоий лойиҳасининг навбатдаги расм кўргазмаси бўлиб ўтди.

Тадбирдан асосий мақсад – онкологик ва гематологик касалликка чалинган болажонларни қўллаб-қувватлаш, уларга хурсандчилик улашишдир. Шу билан бирга улар томонидан чизилган суратлар кўргазмаси ва кимошди савдолари ўтказилди. Ушбу савдодан йиғилган маблағлар Ўзбекистонда онкологияга чалинган болалар ўртасида ўлим кўрсаткичларини пасайтиришга сарфланади.

Кўргазмада 15 нафар бола қатнашди. Аукционга қўйилган суратларни чизган болалар ўз ижодлари атрофдагиларга маъқул келаётгани, уни сотиб олишаётганидан хурсанд бўлса, айрим сурат эгалари касаллик туфайли ҳаётдан кўз юмишган. Бундай хайрия тадбирлари орқали кўплаб болажонларнинг ҳаётини сақлаб қолиш мумкин.