Исроил Мадримов жаҳон чемпионига айланди
Ўзбекистонлик боксчи россиялик енгилмас рақибини WBA камари учун баҳсда нокаутга учратди.
Спорт
9 март, 2:46
Ўзбекистонлик боксчи Исроил Мадримов профессионал бокснинг WBA йўналишида жаҳон чемпионига айланди.
Бокс бўйича Осиё ўйинлари ва қитъа чемпионати ғолиби Исроил Мадримов Саудия Арабистонида ўтган профессионал бокс кечасида супер ўрта вазн тоифасида WBA камарини қўлга киритди.
Мадримов чемпионлик баҳсида 25 та жанг ўтказиб, уларнинг барчасида ғалабага эришган россиялик Магомед Курбановни 5-раундда нокаутга учратишга эришди.
Исроил Мадримов шу тариқа фаолиятидаги 10-жангда чемпионга айланди.
