Озарбайжонда президентлик сайловининг дастлабки натижалари эълон қилинди
Сайловда аҳолининг 76 фоизи қатнашгани айтилди.
Озарбайжоннинг амалдаги президенти Илҳом Алиев муддатидан олдин ўтказилган сайловларда 92,1 фоиз овоз билан ғалаба қозонди, деб хабар бермоқда мамлакат Марказий сайлов комиссияси.
Ҳозирда бюллетенларнинг ярмидан кўпи санаб бўлинган. Иккинчи ўринни 2,2 фоиз овоз билан парламент депутати, мустақил номзод Зоҳид Ўруж эгаллади.
Марказий сайлов комиссияси раҳбари Мазоҳир Панаховнинг айтишича, сайловда 76 фоиздан ортиқ аҳоли иштирок этган.
Экзит-полллар шунга ўхшаш рақамларни башорат қилди - ва умуман олганда, натижа олдиндан тахмин қилинадиган бўлди.
Давлат раҳбари лавозимига етти нафар номзод даъвогарлик қилди, жумладан, бешинчи бор қатнашаётган Алиев. 2018 йилда бўлиб ўтган сўнгги сайловларда уни 86,22 фоиз овоз билан ғалаба қилганди. У мамлакатни 2003 йилдан буён бошқариб келмоқда.
Шунингдек, Президентлар Шавкат Мирзиёев ва Александр Лукашенко озарбайжонлик ҳамкасби Илҳом Алиевни Президентлик сайлови муваффақиятли ўтказилгани билан табрикладилар. Бу ҳақда Ўзбекистон президенти матбуот хизмати хабар берди.
