Наманганда мудофаа бошқармасига ярим миллиард сўм ажратилди
Шавкат Абдураззоқов имзолаган фармойишга кўра, маблағ тўрт мингга яқин ҳарбий хизматчига сарфланади.
Наманган вилояти ҳокими Шавкат Абдураззоқов маблағ ажратиш бўйича фармойишни имзолади.
27 феврал куни эълон қилинган фармойишга кўра, вилоят мудофаа бошқармасига 506 миллион сўм 120 минг сўм маблағ берилади. Ушбу пул 2024 йил мавсумида ҳарбий хизматга юборилаётган ва харбий хизматни ўтаб бўлган 3940 нафар ҳарбий хизматчиларни манзилларига олиб бориш ва олиб келиш, 1964 чақирилувчининг гигиеник воситаларидан иборат "Ўзбекистон Қуролли кучлари" сумкалари ва бошқа совғалар харажатлари учун ажратилади.
Фармойишда пул сарфланадиган ашёлар сифати текширилиши ва ортиб қолган маблағлар вилоят бюджетига қайтарилиши белгиланган.
Ҳоким Шавкат Абдураззоқов феврал ойи бошида "Навбаҳор" клуби учун 2,5 млрд. сўм ажратганди.
