Деҳқонобод тумани ҳокими ишдан олинди
У тўрт ой аввал лавозимга тайинланганди.
Жамият
24 февраль, 14:52
Деҳқонобод тумани ҳокими Сулаймонов Акром Исомиддинович лавозимидан озод этилди.
Қашқадарё вилояти ҳокимлиги ушбу маълумотни Platina.uzга тасдиқлади.
Ҳозирда халқ депутатлари Деҳқонобод тумани кенгаши сессияси давом этмоқда.
Акром Сулаймонов 2023 йил октябрида туман раҳбарлигига келганди. Унгача бу лавозимда ишлаган Зойир Алиқулов эса Қарши тумани ҳокимлигига ўтганди.
Эслатиб ўтамиз, Акром Сулаймонов 2020-2023 йилларда Шаҳрисабз шаҳри ҳокими сифатида ишлаган.
Маълумотларга кўра, Деҳқонободнинг янги ҳокими Кўкдала ИИБ бошлиғи сифатида ишлаган Шерзод Шокиров бўлиши мумкин.
