Реал, Сити, ПСЖда ғалаба, Насафда дуранг
ОЧЛ доирасида Қаршининг Насаф жамоаси БААнинг Ал-Айн клубига қарши ўйнади.
Кеча футбол оламида бир қатор учрашувлар ўтказилди. Жумладан, Осиё Чемпионлар лигаси нимчорак финалида Қаршининг Насаф жамоаси БААнинг Ал-Айн жамоасига қарши ўйнади.
Учрашувда ҳисоб очилмади, 0:0.
Энди жавоб ўйини 21 феврал куни БААда бўлиб ўтади.
Европа Чемпионлар Лигаси нимчорак финал босқичидан ўрин олган ПСЖ – Реал Сосьедад баҳсида парижликлар ғалаба қозонишди. Учрашувда киритилган икки голга Мбаппе ва Барколя муаллифлик қилди.
Шунингдек, амалдаги чемпион Манчестер Сити сафарда Копенгагенни мағлуб этди - 1:3.
Мадриднинг Реал клуби сафарда Германиянинг Лейпциг жамоасига қарши ўйнади ва уни минимал ҳисобда мағлубиятга учратди. Ўйинда ягона голга 48-дақиқада Бриам Диас муаллифлик қилди.
Мюнхеннинг Бавария жамоаси эса Римга сафар қилиб, Лациога қарши ўйинда мағлубиятга учради. Учрашувдаги ягона голни Иммобиле 69-дақиқада пеналтидан киритди.
