Ўзбекистонликлар Озарбайжонда 15 кунгача рўйхатдан ўтмасдан юриши мумкин бўлади
Аввалроқ шунга ўхшаш келишув Қозоғистон билан ҳам имзоланганди.
Эндиликда Ўзбекистон фуқаролари Озарбайжон ҳудудида 15 кун давомида рўйхатдан ўтмасдан қолиши мумкин. Бу ҳақда Ўзбекистон ИИВ матбуот хизмати хабар берди.
Ушбу ўзгартириш Ўзбекистон ҳукумати билан Озарбайжон ўртасидаги 1997 йил 18 июнда имзоланган Ўзбекистон фуқароларининг визасиз саёҳати тўғрисидаги Битимга ўзгартириш ва қўшимчалар киритиш тўғрисидаги баённоманинг кучга кириши билан боғлиқ.
Протокол 2023 йил 22 августда Боку шаҳрида (Озарбайжон) имзоланган ва 2024 йил 15 январда кучга кирди.
Ушбу ҳужжат Ўзбекистон ва Озарбайжон ҳудудига кириш ва чиқиш, транзит ва вақтинча бўлишнинг 15 кун давомида рухсатнома олиш ва тегишли давлат органларида вақтинчалик рўйхатдан ўтиш заруратисиз янги тартибини назарда тутади.
Эслатиб ўтамиз, аввалроқ шунга ўхшаш келишув Қозоғистон билан ҳам имзоланганди. Унга кўа, Ўзбекистон ва Қозоғистон фуқаролари 30 кунгача рўйхатдан ўтмасдан ушбу мамлакатларда юра олади.
