Грузияда ҳукмрон партия асосчиси АҚШ санкциясига учради
Миллиардер Бидзина Иванишвили Грузияда ғалаёнларга сабаб бўлаётган россияпараст сиёсатнинг раҳнамоси сифатида кўрилади.
АҚШ грузиялик миллиардер Бидзина Иванишвилига қарши санкциялар киритди.
АҚШнинг Хорижий активларни назорат қилиш бошқармаси (OFAC) уни Россияга алоқадорлик сабаб санкциялар рўйхатига киритди.
Ушбу санкцияларга кўра, "Грузия орзуси – Демократик Грузия" партияси асосчисининг АҚШ юрисдикцияси остидаги барча активлари музлатилади.
АҚШ Иванишвилини "Россия Федерацияси манфаатлари йўлида Грузиянинг демократик ва Евроатлантика келажагига путур етказганликда" айбдорликда айбламоқда. Бу ҳақда АҚШ Давлат котиби Энтони Блинкен гапириб ўтган.
Аввалроқ Қўшма Штатлар 20 нафар Грузия фуқаросига, жумладан, ҳукумат аъзолари, парламент аъзолари ва ҳуқуқ-тартибот идоралари ходимларига нисбатан виза чекловларини жорий қилган эди. 5 декабрь куни Украина 19 нафар Грузия фуқаросига, жумладан Иванишвили, бош вазир Ираклий Кобахидзе ва Тбилиси мэри Каха Каладзега қарши ҳам санкция киритди.
