Кимларга творог ейиш тавсия қилинмайди? Шифокор маслаҳати
Гастрит ва буйрак касаллигидан азият чекадиганларга ушбу маҳсулотдан воз кечиш маъқулдир.
Буйрак касаллиги, гастрит ёки сут оқсилига аллергияси бўлганлар учун творог тавсия этилмайди. Россиялик гастроэнтеролог Людмила Сухорукова буни РИА "Новости" агентлигига бу ҳақда маълумот берди.
Унинг сўзларига кўра, оқсил миқдори юқори бўлганлиги сабабли, творог инсон сийдик тизимининг органлари юклама билан ишлашига сабаб бўлади. Шунинг учун буйрак касаллигидан азият чекадиганларга ушбу маҳсулотдан воз кечиш тавсия этилади.
"Агар сиз семириб кетаётган ёки атеросклероз билан оғриган бўлсангиз, творогдан эҳтиёт бўлишингиз керак. Бундан ташқари, творог гастрит учун ножўя маҳсулотдир, - деди Сухорукова.
Гастроэнтерологнинг фикрига кўра, болалар кунига 100 г дан кўп бўлмаган творогни истеъмол қилишлари мумкин, катталар эса - 200 грамм тавсия этилади, спортчилар учун кунлик норма юқорироқ бўлиши мумкин.
Шу билан бирга, гастроэнтеролог творог меъёрида ейилса фойдали эканлигини ва қарши таъсирлар бўлмаса, ҳар куни истеъмол қилиниши мумкинлигини таъкидлади. Творог парҳез маҳсулот ҳисобланади, шунинг учун озишни хоҳлайдиганлар учун тавсия этилади.
Творог таркибидаги казеин каби оқсилларни мунтазам истеъмол қилиш сизни тезроқ тўйишга ёрдам беради. Творог тухум билан бир хил даражада очликни қондиради, бу истеъмол қилинадиган озиқ-овқат миқдорини камайтиришга ёрдам беради ва шунга мос равишда диетанинг умумий калория миқдорини камайтиради. Бундан ташқари, творог мушакларнинг ўсиши учун фойдалидир, суяклар ва тишларни мустаҳкамлайди.
