Ўзбекистон Шимолий Кореяни мағлуб этди
Лаосда кечган учрашувда футболчиларимиз қийин ва муҳим 3 очкони қўлга киритди.
Спорт
Кеча, 18:57
Жаҳон чемпионати Осиё қитъаси саралаши 3-босқич 6-туридан ўрин олган Шимолий Кореяга қарши ўйинда Ўзбекистон кичик ҳисобда ғалаба қозонди.
Ўйинда ҳисобни 44-дақиқада Аббос Файзуллаев узоқдан йўлланган зарба билан очди. Иккинчи таймда корейслар босимни кучайтиришди ва бу сўнгги дақиқаларда иш берди.
83-дақиқада Умар Эшмуродов қўл билан ўйнагани учун қизил карточка олиб, майдонни тарк этди. Ўзбекистон дарвозасига пеналти белгиланди. Аммо Ўткир Юсупов пеналтини қайтарди.
Шу тариқа Ўзбекистон МТЖ 13 очко билан гуруҳдаги ўрнини мустаҳкамлади. Кейинги тур ўйинлари 2025 йилда бўлиб ўтади.
КХДР - Ўзбекистон 0:1
Гол: Файзуллаев 44
