2025 йилдан бошлаб нашриётлар фойда солиғидан озод этилади
Мазкур масала дастлаб 2023 йил декабридаги президент йиғилишида кўриб чиқилганди.
Нашриётлар фойда солиғидан озод қилинади.
Ўзбекистонда нашриёт-матбаа фаолиятидан олинган даромадлари ҳисобот (солиқ) даври якунлари бўйича жами даромадининг камида 90 фоизини ташкил этган солиқ тўловчилар 2025 йил 1 январдан 2029 йил 1 январга қадар бўлган даврда мазкур фаолият тури бўйича фойда солиғини (бундан фоизлар тарзидаги даромадлар мустасно) тўлашдан озод этилади.
Эслатиб ўтамиз, 2023 йил декабрда ўтказилган Президент йиғилишида ушбу масала муҳокама этилганди.
Унда нашриёт ва матбаа корхоналарининг молиявий имкониятлари кенгайтирилиши, моддий-техник базаси мустаҳкамланиши зарурлиги таъкидланганди.
Шу мақсадда ушбу корхоналар 5 йилга солиқлардан озод қилиниши маълум қилинди. Шунингдек, уларга имтиёзли кредитлар ажратилиши ҳам айтилганди.
