Тошкентда иссиқлик таъминоти нархлари 15 фоизга оширилди

Тошкент шаҳар ҳокими 31 октябр куни марказлашган иссиқлик таъминоти хизматлари учун нархларни 15 фоизга ошириш ҳақидаги қарорни имзолади.

Қарор бугундан кучга кириши билдирилган, аммо қонунчиликка кўра, коммунал хизматлар нархи ошадиган бўлса, камида 15 кун олдин ОАВда эълон қилиниши керак.

Veolia Energy Tashkent томонидан кўрсатиладиган марказлашган иссиқлик таъминоти хизматлари учун нарх(тариф)лар қуйидагича:

• тартибга солинадиган базавий нарх (тариф) ва бюджет ташкилотлари тарифи амалдаги даражасида (мос равишда ҚҚСсиз 664 465 сўм/Гкал ва 801 963 сўм/Гкал);
• аҳоли учун 121 617 сўм/Гкал (ҚҚСсиз) (aввал 105 754 сўм/Гкал эди);
• бошқа улгуржи ташкилотларга 244 497 сўм/Гкал (ҚҚСсиз) (аввал 212 606 сўм/Гкал эди).

Маълумот ўрнида, пойтахтда иссиқлик таъминоти тизимини ишга тушириш ҳақидаги ҳоким қарори ҳалигача имзоланмади.

Эслатиб ўтиш керак, охирги марта нархлар 2024 йилнинг 2 апрелида оширилганди.