Тошкентда кафе ёниб кетди, жабрланганлар бор

13 январ куни соат 09:39 да Тошкент шаҳар Миробод тумани, Саракул кўчасида жойлашган кафеларнинг бирида ёнғин содир бўлди, оқибатда бир неча киши жабрланган.  

ФВВ хабарига кўра, 5 та ёнғин-қутқарув экипажлари воқеа жойига етиб бориб, ёнғин қарийб эллик дақиқа ичида ўчирилган. 

Ёнғин натижасида кафе биносининг тахминан 150-200 кв.м майдонда том ва шифт қисми ёниб зарарланган. 

Дастлабки маълумотларга кўра, ёнғиндан 3 нафар фуқаро тан жароҳати олиб, шифохонага ётқизилган.

Ёнғин сабаби ва зарар миқдори аниқланмоқда.

Олдинроқ Янги йил байрами кунида Тошкент туманида ҳовли ёниб кетганди.