iPhone 16 смартфонлари сентябрда сотувга чиқиши кутилмоқда
Apple компаниясининг янги тақдимотида iWatch Series 10 соатлари, шунингдек, янгиланган Airpods`лар ҳам намойиш этилиши айтилган.
Apple янги iPhone 16 смартфонларини сентябр ойида тақдим этиши кутилмоқда.
Bloomberg нашрига кўра, компания 10 сентябрь куни бўлиб ўтадиган янги маҳсулотлар тақдимотига тайёргарлик кўрмоқда ва у нафақат янги iPhone, балки iWatch Series 10 соатларини, шунингдек, янгиланган Airpods`ларни ҳам қамраб олади.
Янги смартфонлар 20 сентябрдан сотувга чиқа бошлайди ва шу билан учинчи чоракдаги даромадга бироз ижобий таъсир кўрсатади.
Apple тақвимида бу ҳисобот даври фақат сентябр ойи охирида тугайди ва унинг даромади йилига 5 фоизга ўсиши кутилмоқда.
Янги Apple Watch ва Air Pods`дан ташқари, йил охиригача компания М4 оилавий процессорлари асосидаги янги Mac моделларини тақдим этишни бошлайди. Улар орасида MacBook Pro ноутбуклари, янада ихчам Mac мини, шунингдек, янги процессорлар асосидаги iMac all-in-one компютерлари бўлиши мумкин. М4 нинг ёшроқ модификациялари аллақачон янги Маc учун синов натижалари билан журналлар ёрдамида кузатилмоқда. Ушбу процессорлар 10 та ҳисоблаш ва 10 та график ядроли конфигурацияда мавжуд.
