Шавкат Мирзиёев Трампга уюштирилган суиқасдга муносабат билдирди
Ўзбекистон раҳбари бу зўравонлик ҳаракатини кескин қоралаган.
Сиёсат
14 июль, 13:07
Шавкат Мирзиёев Доналд Трампга суиқасд уюштирилганига муносабат билдирди.
"Президент Шавкат Мирзиёев Америка Қўшма Штатларининг собиқ Президенти Дональд Трамп Пенсильвания штатида сайловолди учрашувда нутқ сўзлаётган чоғида унинг ҳаётига суиқасд уюштирилгани ҳақидаги хабарни чуқур хавотир билан қабул қилди", дейилади президент матбуот хизмати хабарида.
Давлат раҳбари ушбу зўравонлик ҳаракатини кескин қоралади ва Дональд Трампга тез фурсатда соғайиб кетишини тилаган.
Эслатиб ўтамиз, 13 июл куни Доналд Трамп Пенсилванияда сайловчилар учрашув ўтказаётганда суиқасдга учради. Суиқасдда бир киши вафот этди, Трамп кичик жароҳат олди.
