Тошкентда Гиннесс рекорди ўрнатилди
Рекордни янгилашда 6 нафар ўзбекистонлик спортчи иштирок этди.
Тошкент халқаро аэропортида олти нафар ўзбекистонлик спортчи 13 тонналик самолётни тортишди. Бу Гиннеснинг рекордлар китобига киритилган мутлақ рекордга айланди.
Гиннеснинг рекордлар китоби комиссари Мбали Масечаба Нкоси хоним иштирокида Ўзбекистон бодибилдинг ва фитнес федерацияси жамоаси оғирлиги 13500 кг бўлган самолётни 100 метр масофага 46,7 сонияда тортиб боришди.
Қайд этиш жоизки, рекорд биринчи уринишдаёқ ўрнатилди. Бундан олдинги рекорд самолётни 60 сония ичида тортиб бориш эди.
