Ойга парвоз қилган астронавт авиаҳалокатда вафот этди
У машҳур "Ернинг кўтарилиши" суратининг муаллифи эди.
"Аполлон 8” кемасида Ой атрофида парвоз қилган ва коинотда энг машҳур фотосуратлардан бирини олган америкалик астронавт Уилям Андерс 90 ёшида енгил самолётда парвоз қилаётганда вафот этди.
Расмийларнинг айтишича, унинг самолёти Вашингтон штатидаги Сиэт аҳоли пункти шимолида сувга қулаган. Андерснинг ўғли Грег отаси кичик самолётда учаётганини ва унинг жасади жума куни тушдан кейин топилганини тасдиқлади.
" Оиламиз кўнгли вайрон бўлди. У зўр учувчи эди. Биз уни соғинамиз", - дейилади оила баёнотида.
1968 йилда Андерс Ойга етиб келган биринчи экипажли космик кема бўлган "Аполлон 8" миссияси учун ой модулининг учувчиси эди. У сайёрамизнинг космосдан олинган энг машҳур суратларидан бири - "Ер кўтарилиши" рамзий фотосуратининг муаллифи эди. Сурат Рождество арафасида олинган.
Унда Ернинг жонсиз Ой юзаси горизонтидан юқорига кўтарилиши тасвирланган. Кейинчалик Андерс бу фотосуратни космик дастурга қўшган энг муҳим ҳиссаси деб атади.
