Дунёда илк бор одам парранда гриппи А билан касалланди
Бемор апрел ойининг охирида вафот этган.
Мексикада одамнинг парранда гриппи А (H5N2) билан биринчи касалланиш ҳолати қайд этилди.
Касалланган шахс Мексика штатида яшовчи 59 ёшли эркак бўлган, деб хабар бермоқда Жаҳон соғлиқни сақлаш ташкилотининг (ЖССТ) Женевадаги штаб-квартираси матбуот хизмати.
Эркак 24 апрель куни вафот этган. У парранда ёки бошқа ҳайвонлар билан алоқада бўлмаган.
“17 апрель куни беморда иситма, нафас қисилиши, ич кетиши, кўнгил айниши, умумий ҳолсизлик кузатилди. 24 апрель куни бемор тиббий ёрдам сўраб, "Исмаил Косио Виллегас" Миллий респиратор касалликлар институтига ётқизилган ва аҳволи мураккаблашгани сабабли ўша куниёқ вафот этган”, — дейилади хабарда.
ЖССТ вируснинг одамлар орасида янада тарқалиш хавфини паст деб баҳоламоқда. Шунингдек, март ойида бемор яшаган Мексика штати билан чегарадош Мичоакан штатидаги паррандачилик фермасида А(H5N2) парранда гриппи эпидемияси аниқлангани маълум қилинган.
Қўшма Штатларда H5N1 қуш гриппи соғин сигирлар орасида тарқалишда давом этар экан, мамлакат одамларда қўлланилиши мумкин бўлган 5 миллион дозага яқин гриппга қарши вактсинани тайёрламоқда.
