Олимлар Марсда яшай оладиган икки бактерия турини аниқладилар
Тадқиқот Чилининг баланд тоғли кўлларининг экстремал муҳитида ўтказилди.
Германия, Франция, Чили ва бошқа мамлакатлардан бўлган халқаро олимлар гуруҳи Чилининг баланд тоғли кўлларининг экстремал муҳитида – Марс сайёрасини эслатувчи шароитларда яшовчи иккита янги бактерияни аниқлади. Тадқиқот Journal of Proteome Research (JPR)да чоп этилди.
Мутахассислар экстремофил микробларни янгича усул туфайли кашф қилишди. Усул микроорганизмларнинг генетик материалини ўрганишга эмас, балки оқсил бўлакларини таҳлил қилишга асосланган.
Тадқиқотчилар ўз қидирувларини 3,7 километрдан ортиқ баландликдаги бешта баланд Анд кўлларидан сув намуналари билан бошладилар. Олинган намуналардан олимлар 66 микробни этиштиришди. Кейин улар пептид шаблонларини яратиш ва керакли хусусиятларга эга микроорганизмларни қидириш учун пептидлар деб номланувчи махсус оқсил бўлакларини ўрганишди.
Усул ёрдамида мутахассислар экстремофилларнинг иккита потенциал янги турини аниқладилар.
Протеин профилини қўллаш орқали олимлар Ердан ташқаридаги ҳаётни аниқлашлари ва сайёрамиздаги биологик хилма-хилликни яхшироқ тушунишлари мумкин, дейди олимлар жамоаси.
