Матнни қўлда ёзиш мия фаолиятини кучайтиради
Олимларга кўра, бу компютер клавиатурасида матн ёзгандан фойдалироқ.
Матнни қўлда ёзиш компютер клавиатурасида ёзишдан кўра мия қисмлари ўртасидаги алоқаларни яхшилайди. Буни Frontiers in Psychology журналида чоп этилган тадқиқот кўрсатди.
Олимлар 36 университет талабаларидан электроэнцефалограмма ёрдамида мия фаолияти маълумотларини таҳлил қилдилар. Мия фаолиятини ўлчашда уларга қалам билан ёзиш ёки экранда пайдо бўлган сўзни клавиатурада ёзиш бир неча марта сўралган. Улар қўл ёзуви учун ручка ва сенсорли экрандан фойдаланишган.
Иштирокчилар қалам билан ёзганда, миянинг турли соҳаларида фаоллик ошди, лекин клавиатурада бу ҳолат кузатилмади. Олимларнинг фикрича, ручкадан фойдаланганда сезги органларидан олинган визуал ва восита маълумотлари мияда ўрганиш учун зарур бўлган алоқаларнинг шаклланишига яхши ёрдам беради. Клавиатурада ёзиш пайтида оддийгина тугмачаларни босиш мияни камроқ рағбатлантиради.
"Бу, планшетда ёзиш ва ўқишни ўрганаётган болаларнинг ҳарф танишда нега қийналаётганини тушунтириб беради", - дея таъкидлайди олимлар.
Клавиатурада ёзишнинг кўплаб афзалликлари (шу жумладан тезлик) бўлса-да, вақти-вақти билан қўлёзмалардан фойдаланиб туриш керак, дея хулоса қилишди олимлар.
