2 киши катта пулга Ўзбекистонга виза олиб бермоқчи бўлди
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Икки фуқаро Б.К. ва А.Н. хорижий давлат фуқароси А.С.нинг (қайси давлат экани очиқланмаган) ишончига кириб, таниши А.Ҳ. ва оила аъзоларига Ўзбекистонга кириш визасини олиб бермоқчи бўлган.
Ҳолат бўйича Бош прокуратура ҳузуридаги департаментнинг Сурхондарё вилоят бошқармаси ДХХ ва ИИБ ходимлари билан ҳамкорликда тезкор тадбир ўтказган.
Улар танишлари ёрдамида 12 000 доллар эвазига виза расмийлаштириб беришни ваъда қилишиб, олдиндан 6 000 доллар олган вақтларида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
