Куба инқилоби бошланган кун

26 июл санаси билан боғлиқ хабарлар

Халқаро “Эсперанто” тили куни – сунъий равишда яратилган “Эсперанто” тили куни мутлақо янги байрам. Бироқ, эсперанто тарихи 1887 йилда бошланган.

Куба - Миллий қўзғолон куни – 1953 йил 26 июль Кубанинг замонавий тарихидаги энг муҳим саналардан бири ҳисобланади - бу Куба инқилоби бошланган кун ёки Миллий қўзғолон куни.

Мальдив ороллари Мустақиллик куни – 1965 йилнинг 26 июль куни Мальдив оролларининг Буюк Британиядан мустақиллиги эълон қилинди.

1775 йил – Бенжамин Франклин Шимолий Америка штатларининг бош постмастери этиб тайинланди.

1788 йил – Нью-Йорк Қўшма Штатларнинг 11-штатига айланди.

1847 йил – Африкадаги биринчи мустақил давлат – Либерия Республикаси эълон қилинди.

1865 йил – инглиз шифокори Жеймс Берри вафотидан сўнг, бир неча ўн йиллар давомида бир аёл бу ном остида яширинганлиги маълум бўлди.

1908 йил – АҚШ Бош прокурори Чарлз Бонапарт номи ошкор этилмаган агентлик яратди, унинг махсус агентлари федерал қонунларнинг бузилишини текширишлари керак. Стенли Финч унинг биринчи раҳбарига айланади. Кейинги йили Тергов бюроси номи пайдо бўлади ва 1935 йил 1 июлдан бошлаб бўлим Федерал қидирув бюроси деб номланади. 1983 йилда АҚШ президенти Роналд Рейган "ФҚБ куни" - сиёсий полиция мутахассислари учун касб байрами ташкил этилишини эълон қилди.

1909 йил – бортида 300 га яқин йўловчи ва экипаж аъзоси бўлган “Waratah” инглиз йўловчи пароходи Жанубий Африкадаги Натал портидан чиқиб кетиб, бедарак йўқолди.

1918 йил – Озарбайжонда социал инқилобчилар болшевикларни ағдаришган.

1928 йил – Тошкент шаҳридаги Ўрта Осиё округи биносида Ўрта Осиё давлат университети (ҳозирги Ўзбекистон Миллий университети) физика-математика факультети ходимлари 27 ёшли Борис Грабовский ва 21 ёшли Иван Белянский яратган ҳаракатланувчи тасвирларни электрон нур ёрдамида узоқ масофага узатиб ва қабул қилиб оладиган “радиотелефот” аппарати муваффақиятли синовдан ўтди.

Филолог Ш.Ибрагимовнинг қайд этишича, аппарат тахт қилиниб, қоқ пешинда электр токига уланганда унинг сафдоши Белянскийнинг юриб тургани ва бир неча марта бош кийимини ечиб-кийгани ҳам равшан кўринди. Шундан кейин ихтирочилар ва комиссия аъзолари ўринларини алмаштириб бир-бирларини экранда кўришди. Шу тариқа жаҳонда энг биринчи телевизор синовдан ўтди ва 4 август куни Тошкентдаги собиқ “Хива” кинотеатрининг ёнида, одамларнинг кўз ўнгида яна бир бор синаб кўрилди. Экранда одамлар, юриб кетаётган трамвай ва бошқа транспорт воситалари тасвири кўринди.

“Радиотелефот”нинг илмий-тарихий қиммати ҳозирги замон телевизион тизимининг барча элементларини ўзида мужассамлаштирганида эди. Аммо мазкур телефот собиқ иттифоқ томонидан етарли қўллаб-қувватланмаганлиги туфайли оммалашмай қолди. Тарихчи Тўйчи Аҳмедовнинг қайд этишича, Грабовский ва Белянский телефоти анча кеч – ўтган асрнинг 60–70 йилларида эътироф этилди, ҳатто ЮНЕСКО томонидан тан олинди. Бу вақтга келиб телевидение, бутун дунёга кириб борган эди.

1937 йил – Япония Хитойда ҳарбий ҳаракатлар бошлади.

1938 йил – НКВД бошлиғи Ежов Сталинга Қизил Армия ва Ҳарбий-денгиз флотининг 138 қўмондони рўйхатини отиб ташлаш учун юборди. Сталин ва Молотов: "Барча 138 кишини қатл қилиш учун" резолюциясини ўрнатдилар.

1965 йил – Малдив ороллари мустақиллиги эълон қилинди.

1982 йил – АҚШ Фаластинни озод қилиш ташкилотини тан олишдан бош тортди.

1989 йил – 24 ёшли америкалик талаба Роберт Моррис компьютер вирусини яратиш ва ишга туширишда айбланмоқда. Моррис судга тортилган биринчи вирус яратувчисига айланади.

1995 йил – Ўзбекистон Республикаси Вазирлар Маҳкамасининг “Навоий давлат кончилик институти фаолиятини ташкил этиш тўғрисида”ги қарори қабул қилинди.

Европа Иттифоқининг 15 та давлати вакиллари Европолни ташкил этиш тўғрисидаги конвенцияни имзоладилар.

1998 йил – Иллинойсда (АҚШ) 246 парашютчи осмонда тирик айлана ясади (жаҳон рекорди).

2001 йил – Ўзбекистон Республикаси Вазирлар Маҳкамасининг “Олий ўқув юртларида тўлов-контракт асосида ўқиш учун таълим кредитлари бериш тўғрисида”ги қарори қабул қилинди.

2016 йил – Ҳиллари Клинтон Филаделфияда бўлиб ўтган Демократик партиянинг миллий қурултойида Америка Қўшма Штатлари президентлигига номзоди илгари сурилган тарихдаги биринчи аёл бўлди.

2019 йил – Ўзбекистон Республикаси Вазирлар Маҳкамасининг “Эркин Воҳидов мемориал музейи ҳамда Ҳазиний уй-музейи фаолиятини ташкил этиш тўғрисида”ги қарори қабул қилинди.

2021 йил – Ўзбекистон Президенти “Аҳолига кўрсатилаётган тиббий ёрдам сифатини янада яхшилаш чора-тадбирлари тўғрисида”ги қарорини имзоланган.

Таваллудлар

1859 йил – Дублин инглиз ёзувчиси, драматург Жорж Бернард Шоу;

1921 йил — Ўзбекистон халқ рассоми Раҳим Аҳмедов;

1968 йил — Ўзбекистон Республикаси Миллий гвардияси қўмондони, генерал-майор Рустам Жўраев таваллуд топган.