Тупроқ йўлни шағаллаштиришга 20 млрд. ажратилди
Бунда Вазирлар Маҳкамасининг захира маблағлари ҳисобидан молиялаштирилади.
Вазирлар Маҳкамасининг захира маблағлари ҳисобидан Қорақалпоғистон жанубий туманларидаги тупроқ йўлларни таъмирлаш ишларига 20 млрд. сўм ажратилади.
Амударё, Беруний, Тўрткўл ва Элликқалъа туманларида хатлов натижаларига кўра аниқланган тупроқ йўлларни таъмирлаш ишларига мазкур туманларнинг Ободонлаштириш бошқармаларига пул ўтказиб берилади.
Амударё, Беруний, Тўрткўл ва Элликқалъа туманлари ҳокимлари ажратилган маблағларни мақсадли сарфлаши ва тупроқ йўлларни қум-шағал аралашмали йўлларга айлантириши керак.
Шундан Амударёга 5,8 млрд., Берунийга 5,5 млрд., Тўрткўлга 5 млрд. ва Элликқалъага 3,6 млрд. сўмдан берилади. Шунда жами 123 та маҳалладаги тупроқ йўллар шағаллаштирилади.
