Ўзбекистонда футзал бўйича жаҳон чемпионати ўтказилади

Бугун ФИФA Кенгашининг йиғилиши бўлиб ўтди, унда Ўзбекистонда жаҳон чемпионати ўтказилишига келишиб олинди. 

Кун тартибидан ФИФA миқёсидаги бир қатор мусобақалар, хусусан, футзал ва футбол бўйича жаҳон биринчилиги мусобақаларига мезбон мамлакатларни белгилаш масалалари ўрин олди. 

Эътиборли жиҳати, 2024-йилги футзал бўйича жаҳон чемпионати мусобақаси Ўзбекистонда ўтказилиши белгиланди.

Шуни алоҳида таъкидлаш керак-ки, Ўзбекистон ФИФA тасарруфидаги Жаҳон чемпионатига биринчи бор мезбонлик қилади.

Таъкидлаш жоизки, Ўзбекистон термаси ўтган йили Қувайтда ўтган Осиё кубогида бронза медалларни қўлга киритганди.