Сурхондарё ҳокими маҳалла биноси учун салкам 1 млрд. ажратди

Сурхондарё вилояти ҳокими фармойиши билан Шеробод тумани “Каттабоғ” МФЙдаги маҳалла маркази биносини қуриш учун 961 000 000 миллион сўм ажратилган.

Бу пуллар бюджетдан ташқари ривожлантириш жамғармаси маблағлари ҳисобидан Термиз шаҳридаги оқова сув тармоғи орқали борадиган оқова сувни қайта тозалаш марказлашган иншоотини таъмирлаш учун ажратилган 1,3 миллиард сўм маблағнинг ўзлаштирилмаган қисми ҳисобланади.

“Ягона буюртмачи хизмати” ДУК ажратилган маблағларнинг амалдаги қонунчиликда ўрнатилган тартибда самарали ва мақсадли сарфланиши учун жавобгар этиб белгиланган.

Эслатиб ўтамиз, кеча вилоят ҳокими Улуғбек Қосимов сенатор этиб сайланган эди.