Шахмат бўйича жаҳон чемпиони Нодирбек Абдусатторов АТ «Алоқабанк» расмий амбассадори

Спорт, замонавий технологиялар, инновацион хизматлар, ёрқин келажак ушбу тушунчалар АТ “Алоқабанк” томонидан бошланган янги лойиҳада бирлашди. Унга кўра халқаро тоифадаги гроссмейстер, тезкор шахмат бўйича жаҳон чемпиони, “Ўзбекистон ифтихори” фахрий унвони соҳиби Нодирбек Абдусатторов энди банкнинг расмий амбассадори сифатида фаолият юритади.

АТ “Алоқабанк” тизимда ишлаб чиқарилаётган инновацион маҳсулотларни, онлайн ва офлайн хизматларни, мобил иловалар орқали мижозларга яратилаётган енгилликларни, янги имкониятларни кенг оммага таништириш мақсадида таниқли ёш спортчи билан ҳамкорликни йўлга қўйди. 

Икки томонлама келишувга биноан Нодирбек Абдусатторов эндиликда мамлакатимиз ва хорижда банкнинг “юзи” сифатида намоён бўлса, банк шахмат спорт турининг яна-да ривожланишига кўмаклашади. 

Жорий йилнинг 11 март куни IT-парк биносида АТ “Алоқабанк” раҳбари, банкнинг ёш ходимлари ва халқаро тоифадаги гроссмейстер Нодирбек Абдусатторов ўртасида ташкил этилган учрашув бу борадаги тадбирларнинг дебочаси бўлди.

Реклама