Чилонзордаги боғча раҳбари болалар ҳаётини хавф остига қўйгани учун лавозимидан озод қилинди
Мактабгача ва мактаб таълими вазири топшириғига асосан таълим ташкилотидаги муҳит назоратга олинган, ўрганиш ишлари давом этмоқда.
Тошкент шаҳар Чилонзор туманидаги 230-мактабгача таълим ташкилоти директори боғча ҳудудига бегона шахс киришига йўл қўйиб, тарбияланувчи болалар ҳаётини хавф остига қўйгани, ички меҳнат тартиб- қоидаларини бузгани ва ўз хизмат вазифасига масъулиятсизлик билан ёндашгани туфайли у билан тузилган меҳнат шартномаси Ўзбекистон Республикаси Меҳнат кодексининг 161-моддаси иккинчи қисми 5-бандига асосан бекор қилинди.
Мактабгача ва мактаб таълими вазири топшириғига асосан таълим ташкилотидаги муҳит назоратга олинган, ўрганиш ишлари давом етмоқда.
Аввал хабар қилганимиздек, ижтимоий тармоқларда Чилонзордаги 230-сонли болалар боғчасида директорнинг 15 ёшли (9-синф) ўғли 6 ёш атрофидаги 4 нафар қизчага, улар ухлашга ётган вақтида тегажоғлик қилгани ҳақида хабарлар тарқалганди.
Бош прокуратура мактабгача таълим ташкилотида содир бўлган ушбу ҳолат юзасидан Жиноят кодексининг 25-моддаси орқали 119-моддаси билан жиноят иши қўзғатилганини маълум қилган.
