Ўзбекистон энергетика вазири “Газпром” билан яна Россияда учрашди

Россиянинг Санкт-Петербург шаҳрида Ўзбекистон энергетика вазири Жўрабек Мирзамаҳмудов ва “Газпром” ОАЖ бошқаруви раиси Алексей Миллер ўртасида амалий учрашув бўлиб ўтган.

Айтилишича, томонлар ҳамкорликнинг бориши ва истиқболлари, жумладан, Россия газини Ўзбекистонга етказиб бериш масаласини муҳокама қилган.

Эслатиб ўтиш керак, январь ойида ҳам ўзбекистонлик вазир Санкт-Петербургга бориб, “Газпром” раҳбари учрашган ва ўшанда “йўл харитаси” имзоланган эди. Бу ҳақда ўзбек томони расман хабар бермаган, ОАВда шов-шув бўлгач, изоҳ билан қутулган.