Бош прокуратура хорижлик журналистнинг ўлимига оид бирламчи маълумотларни ошкор қилди
Россиялик журналистнинг ўлим сабабини аниқлаш учун суд-тиббий экспертизаси тайинланганди.
Жамият
9 март 2023 йил
Аввалроқ Тошкентда россиялик журналист ўлик ҳолда топилгани ҳақида хабар бергандик. Шунингдек, Бош прокуратура хорижлик журналистнинг ўлими юзасидан баёнот берганини ҳам маълум қилгандик.
Бош прокуратура хабарига кўра, 36 ёшли журналист Александр Нечаев вафот этганлиги ҳолати бўйича текшириш ўтказилмоқда.
Суд-тиббиёт экспертизасининг дастлабки хулосасига кўра, А.Нечаевнинг ўлими «сурункали юрак-ўпка етишмовчилиги, юракнинг сурункали ишемик касаллиги»дан келиб чиққан.
А.Нечаевнинг танаси кўздан кечирилганда тан жароҳатлари аниқланмаган.
"Текшириш давом этмоқда", - дейилади хабарда.
