Қозоғистонда чекка мактаблар синов тариқасида Starlink тармоғига уланди

Қозоғистон ҳукумати матбуот хизматининг маълум қилишича, мамлакат тест режимида Американинг Space X компаниясининг Starlink технологиясидан фойдаланган ҳолда 10 та қишлоқ мактабини интернетга улаган.

Бу ҳақда Kursiv.kz хабар бермоқда.

Баёнотда айтилишича, 2023 йил октябр ойида 10 та қишлоқ мактаби синов режимида Space X’нинг Starlink технологиясидан фойдаланган ҳолда кенг полосали интернетга уланган.

Матбуот хизматининг қўшимча қилишича, маълумотлар узатиш тезлиги шу тарзда 200 Мбит/с га етади.

Қозоғистоннинг чекка ҳудудларидаги жами икки минг таълим муассасасини Starlink тармоғига улаш режалаштирилган.