Ўзбекистонда аёллар энг кўп ишлайдиган 3 та касб?
Platina.uz бу бўйича аҳоли ўртасида сўровнома ўтказди.
“Қиз болага мос касб танласанг бўлмайдими?” — кўпинча ўқитувчи, шифокор, тикувчиликдан бошқа касбларни танлаган аёл-қизларга айтиладиган энг “машҳур” гаплардан бири. Журналистикани танлаганимда, шахсан менга ҳам айтилган бу сўзлар. Бу ҳолат, яъни касбларни “аёл ёки эркак кишига хос” турларга ажратиш қайсидир маънода аёлни эҳтиётлаш тарзидаги ижобий қараш, дейиш мумкин.
Бироқ бундай “эҳтиётлаш” меҳнат муносабатларида камситишга сабаб бўлаётгани кузатилмоқда. Аммо борган сари аёллар бу тўсиқларни енгиб чиқишмоқда. Бугун аёлларни нафақат юқорида айтилган касблардан ташқари йўналишларда, балки раҳбар лавозимларида ҳам кўряпмиз. Бу бўйича аҳолининг фикри қандай? Ўзбекистонда аёллар энг кўп ишлайдиган 3 та касб? Шу савол доирасида аҳолидан сўровнома ўтказдик.
Барибир хоҳлаймизми-йўқми, ўқитувчи ва шифокор аёллар кўплиги ўнга яқин респонденлар томонидан айтилмоқда. Аёлларнинг кўпи ишламай, уйда ўтириши ҳақидаги фикрлар ҳам бор.
Бундан ташқари, аёллар доимий ишлайдиган касблардан: фаррош, тикувчи, котиба, стилист, бухгалтер, тарбиячи; даромади юқори бўлган касблардан: таржимон, банкир, тадбиркор, маркетолог, таргетолог, савдо-сотиқ, юрист каби касблар ҳам санаб ўтилди.
Одинахон Деҳқонова
