Собиқ вазир ўринбосари янги лавозимга тайинланди
У сентябр ойи охирида лавозимидан озод этилганди.
Жамият
5 октябрь 2023 йил
Рустамов Олимхон Бакиевич - Қашқадарё вилояти ҳокимининг ўринбосари - вилоят инвестициялар, саноат ва савдо бошқармаси бошлиғи лавозимига тайинланди.
Бу ҳақда вилоят ҳокимлиги матбуот хизмати маълум қилди.
У 1966 йил Тошкент шаҳрида туғилган. Тошкент халқ хўжалиги институти, Ломоносов номидаги Москва давлат университети ва Ўзбекистон Республикаси Президенти ҳузуридаги Давлат ва жамият қурилиши академиясини тамомлаган.
Тайинловга қадар Ўзбекистон Республикаси инвестициялар, саноат ва савдо вазири ўринбосари лавозимида фаолият юритган ва 28 сентябр куни вазифасидан олинганди.
