Йилда 300 кун қуёш: Турк Ривиераси ва Эгейда ёз давом этмоқда

Тақвимларимиз саҳифаларини октябрь ойига варақласак ҳам, Туркиянинг Ўрта Ер денгизи ва Эгей денгизи (Турк Ривиераси ва Турк Эгей) соҳилларида дам олувчилар ҳали ҳам иссиқ қуёш нуридан баҳраманд бўлиб, мовий сувларда чўмилиб, мазали турк ошхонасидан тановул қилиб келишмоқда. Йилнинг 300 куни қуёшли бўлган Турк Ривиераси ва мўътадил иқлими денгизни иситишда давом этаётган Турк Эгей, нафақат гўзал соҳиллари, балки тарихий антик шаҳарлари, шунингдек, табиий бойликлар ва ноёб гастрономия билан ҳам янада сокин таътилни истайдиганлар учун мукаммал кузги манзилларни таклиф этади.

Турк Эгей: Иссиқ ёз мавсумидан қолишмайдиган куз

Измир вилоятидаги Чешме ярим ороли ҳамиша қуёшли Турк Эгейнинг энг машҳур сайёҳлик йўналишларидан бири ҳисобланади. Эгей денгизига қараган Алачати, ўзининг маҳаллий лаззатини сақлаб келаётган овқатланиш ва кўнгилочар жойларини таклиф этади. Унда сиз минтақанинг кўп асрлик лаззатларини ва уларнинг замонавий талқинларини татиб кўришингиз мумкин. Измирнинг энг севимли туманларидан бири бўлган, ҳозирда Michelin Guide рўйхатига киритилган Урла, ўзининг узумзорлари ва ёш ошпазлар томонидан очилган замонавий ресторанлари билан машҳур.

Бодрум ўзининг мовий кўрфазлари ва ажойиб табиати билан Турк Эгейнинг энг нафис ва бетакрор йўлларидан бири бўлиб, ҳашаматли меҳмонхоналар, мариналар, жаҳон таомлари билан хизмат қилувчи сифатли ресторанлар ва биринчи даражали харид қилиш имкониятларига эга. Қадимги дунёнинг етти мўъжизасидан бири бўлган Галикарнас мақбараси харобалари ва сув ости археология музейи жойлашган тарихий қалъа ҳам ярим оролда кўриш керак бўлган жойлардандир. Дунёнинг энг муҳим мовий круиз йўлларидан бири бўлган Бодрум, йил бўйи янги денгиз маҳсулотлари, турк ва жаҳон ошхонасининг энг яхши намуналари намойиш этиладиган гастро-шаҳар сифатида ташриф буюрувчиларни кутиб олмоқда. Яқинда Мишел қўлланмасига киритиладиган Бодрумнинг энг муҳим ресторанларининг аксарияти порт, марина ва қирғоқ ҳудудларида жойлашган.

Эгей денгизидан жанубга, Ўрта Ер денгизи томон саёҳат қилганингизда, сизни ажойиб манзиллар кутмоқда. Уларнинг ҳар бири табиат мўъжизаси ва тарих давомида қадимги тараққиёт уйи саналади. Ҳар бир бурчакда ҳайратланарли манзаралар билан ўралган бу ҳудудлар унутилмас онларни тақдим этади. Датча ва Бўзбурун ярим ороллари тоза сувлари билан мовий круиз саёҳатлари учун асосий манзиллардан бўлиб, инсонга тасалли берувчи дам олиш йўналишларидан ҳисобланади.

Анталия: йилда 300 юз кун қуёш

Турк Ривиерасининг юраги, йилига 300 кун қуёш нуридан баҳраманд бўлган ёрқин ва қизиқарли шаҳар бўлган Анталия, антик пойтахтлар, денгиз ва қуёш, соҳиллар ва ўрмонлар билан ўралган. Анталияда ёз мавсуми апрель ойида бошланади ва ноябрь ойининг охиригача давом этади. Кузда ҳаво ҳарорати салқинроқ ва эрта қуёш ботишига қарамай, Анталия ҳали ҳам иссиқ ёзни бошдан кечирмоқда. Вилоятда 231 та ажойиб Мовий байроқли соҳиллар жойлашган бўлиб, улардан бири Каш минтақасидаги Капуташ соҳилидир. Ёрқин феруза кўрфазлар билан ўралган Капуташ дунёдаги энг гўзал соҳиллардан бири сифатида муносиб обрўга эга. Йилнинг бу вақти ҳам минтақанинг қадимий аҳоли пунктларини зиёрат қилиш учун энг яхши вақт ҳисобланади. Бу ҳудудда бир қанча ҳаяжон бахш этувчи қадимий шаҳарларни зиёрат қилишдан ташқари, минтақадаги қазишмалар пайтида топилган ғайриоддий артефактлар тўпламига эга Анталия музейида учта маданий минтақанинг: Ликия, Памфилия ва Писидия бойликларини кўришингиз мумкин.