Энг бой касб эгалари кимлар?
Platina.uz ҳозирги кунда Ўзбекистондаги даромади энг юқори касблар ҳақида аҳолидан сўровнома ўтказди.
Касб танлаш катта ҳаёт йўлидаги энг муҳим қадам ҳисобланади. Инсон ўзига севимли бўлган касбни танлаш билан бирга, унинг фойда ва зарарлари, соғлигига таъсири ва, албатта, даромадига ҳам эътибор бериши керак. Шу маънода Platina.uz ҳозирги кунда Ўзбекистондаги даромади энг юқори касблар ҳақида аҳоли орасида сўровнома ўтказди.
Сўровномага кўра, энг бой касб эгаларининг биринчисида IT мутахассислари туради. Aҳоли IT соҳасини келажак касблари қаторига киритар экан, бу касбга хорижий тилларнинг (асосан, инглиз тили)аҳамиятини алоҳида таъкидлашди.
“Компютерни билган, тилни билган кам бўлмаяпти, ҳар ҳолда”, дейди суҳбатдошларимиздан бири.
Шунингдек, кейинги ўринларда бизнесмен, шифокор, банкир, нефт-газ, бензин саноатидагиларнинг ҳам даромади юқори деб топилди. Эндиликда, бу касблар сафига ўқитувчиларни ҳам киритиш мумкин. Респондентлар “Ҳозир энди ўқитувчиларнинг ҳам даромади секин-аста кўпайиб боряпти”, демоқда.
Қолаверса, аҳолида инсон қайси касбда жон-дили билан ишласа, яхши кўриб ишласа ўша касбда даромад кўп бўлиши ҳақидаги жавоблар ҳам бор.
Одинахон Деҳқонова
