09 январь, 2023

Чет тили имтиҳони натижалари эълон қилинди

2022-йил 22-30-декабр кунлари ўтказилган чет тилини билиш даражасини аниқлаш тест синови натижалари эълон қилинди. Тест натижалари my.gov.uz сайтида эълон қилинган бўлиб, талабгорлар “Менинг аризаларим” бўлимида ўз натижалари билан танишишлари мумкин. Бунда тест синовидан муваффақиятли ўтган талабгорлар ўз сертификатларини my.gov.uz сайти орқали электрон тарзда юклаб оладилар. Эслатма: ўз натижасидан норози бўлган талабгорлар тест натижалари эълон қилинган кундан бошлаб 3 кун ичида (10-12-январ) my.gov.uz сайти орқали апеллация шикояти беришлари мумкин.