Сирдарё ҳокими марказ қурилишига 1,2 млрд ажратди

Сирдарё вилояти ҳокими "Тадбиркорлар ва ҳунармандлар маркази" қуриш учун давлат бюджетидан 1,2 млрд сўм ажратиш ҳақида фармойиш имзолаган.

Ушбу маблағлар "Ягона буюртмачи хизмати" давлат унитар корхонаси ҳисобига ўтказиб берилиши белгиланган.

Сирдарё ҳокими май ойида бюджетдан анча пул ажратиб қўйган. Масалан, вилоятда фото ва видео радарлар сотиб олиш учун бюджетдан 3 млрд. сўм ажратилган.

Шунингдек, вилоятда ташкил қилинган “Чавандозлар мактаби”га “Сирдарё универсал қурулиш лойиҳа” МЧЖга қарашли бино иншоотини харид қилиш учун яна бюджетдан 1 млрд. сўм маблағ Миллий гвардия Сирдарё вилояти чавандозлар мактабига ажратилган.

6-8 май кунлари Гулистон шаҳрида бўлиб ўтган Халқаро бахшичилик фестивалига Сирдарё вилояти ҳокими 716 млн. сўмдан ортиқ пул ўтказилган.